PUBLIZITATEA

Hona hemen publizitateraren inguruan aurkitutako informazioa. GAzleleraz dago bainan oso informazio argia ematen du...

La Publicidad

View SlideShare presentation or Upload your own. (tags: lenguaje plástica)

URRUNEKO ZINEA

YASUJIRO OZU "TOKYO MONOGATARI" (1953)



HOU HSIAO HSIEN "THREE TIMES"



ABBAS KIAROSTAMI WHERE IS THE FRIEND´S HOME?" (1987)

ZINE MUTUA

FRIEDRICH W. MURNAU "NOSFERATU" (1922)




FRITZ LANG "METROPOLIS"(1926)



CHARLES CHAPLIN "MODERN TIMES" (1936)

"MOOLAADÉ" Ousmane Sembene

Ousmane Sembene, iaz 84 urtekin il zen zuzendari senegaldarrak, guri horren ezezaguna zaigun Afrikar mundura hurbildu gindun.
Bere karrera luzeak, sari garrantzitsuak eraman zituen, Cannes eta Veneziako zine jaialdietan jasotakoak dire hauen lekuko.

Hemenetxe duzue utzitako azken filmaren zati bat.

LUMIERE ANAIAK ETA ZINEMATOGRAFOA: ARGAZKIA ZINE BILAKATU ZENEAN

Lumiére anaiak, August eta Louis, historiako lehen "zinemagileak" dira. Hauek asmatu zuten Zinematografoa deituriko makina eta harekin oso iraupen laburreko filmak egin zituzten. Haseran ez zioten etorkizunik ikusi heuren makinari; izan ere nor egon zitekeen garai hartan ,egunero kalean ikusten ditugun irudiak pantaila batean ikustearren ordaintzeko prest?

1895eko abenduaren 28an Parisko Le Grand Cafean, hamar film labur aurkeztu zituzten eta denen artean iraupena ez zen 20 minututara heltzen. Hauen artean "Sortie des usines á Lion" (langileak fabrikatik ateratzen) duzue ikusgai, euren lehendabiziko lana izan zena.

OTEIZAREN MENDEURRENA

Gaur Oteiza euskal artista eta ikertzaile haundiaren mendeurrena dela eta ekintza ugari antolatu dira bere omenez.
Nik ere omenaldi hauekin bat egiteko asmoz,bere hitzak ekarri ditut gure leiho honetara.

PLANOTIK ESPAZIORA

4. D.B.H-n, marrazketako arloan, egindako proeiktuaren emaitzak dira bertako irudi hauek. Diseinu lana zen honako hau eta ikasleek planoetan sortutako ideiak errealitate bihurtu behar zituzten. Denbora falta izan zen gure arazorik handiena eta hauetako proeiktu batzuk amaitu gabe geratu ziren. Bertako irudi hauek amaitutako hiru proiektu besterik ez dira....ia aurtengoan denak amaitzen ditugun!!

ARTE LANAK BERINTERPRETATZEN

Pasa den ikasturtean D.B.H. 3-ko ikasleek, artista baten obra aukeratu eta honi interpretazio berri bat emateko aukera izan zuten.

Hementxe daude beraz, egindako lanaren emaitzetako batzuk. Izandako denbora, gutxi izan zela kontuan hartuz, lortutako emaitzak nahiko onak izan zirela ezin dugu ukatu. Zorionak zuei ere egindako lanarengatik!

ERRETRATOAREN PROEIKTUA DBH 2-n.

Hementxe dituzue iazko ikasturte amaieran egindako proiektuaren emaitzetako batzuk. Bertan erretratoa landu genuen, bakoitza ezberdin egiten gaituen hori kontuan hartuz.
Emaitza politak lortu genituen eta hona hemen hauetariko adibide batzuk. Zorionak guztioi egindako lanagatik!

ORSON WELLS ZINE ZUZENDARIAK EUSKAL HERRIAZ ESAN ZUENA

Historikoki, zinemak eman duen zinemagile haundienetako bat da; "Ciudadano Kane" izan zen bere maisu lana.Guzti hau bazenekien agian...bainan ba al zenekien Euskal Herria eta euskaldunak ere ezagutu zituela???

Ikusi eta entzun gutaz esan zuena....

GRAFFITIEZ EGINDAKO ANIMAZIOA!!

Hona hemen aspaldi honetan ikusi dudan animaziorik kreatiboenetako bat.Egilea BLU goitizenez ezagutzen da. Bere marrazkien maila eta sormena ikaragarri onak dira. Bost minutuz atsedenaldi bat hartu eta bideo honi begirada bat botatzea merezi du.Ona, oso ona!!


Muto

EDWARD HOOPER (1882-1967)

Edward Hooper margolaria, New York estatuko herri batean jaio zen, Nyacken. New York hirian bizi izan zen eta haseran ilustratzaile edo publizitate marrazkilari gisa lan egin bazuen ere, pixkanaka gehien gustatzen zitzaion lanean murgiltzen joan zen:amerikarren bizimodua erakutsiko duten, bainan oso ikuspuntu pertsonaletik eta ahaztu ezinezko estiloaz eginiko margo lanak hain zuzen ere.

Orain, Hooperri homenaldi bat eginaz, bere lanetako batzuk biltzen dituen bideoa duzue ikusgai.

PERSPEKTIBA KONIKOA

Azken ebaluaketa honetan, perspektiba konikoa lantzen egon gara DBH 3 eta DBH 4en. Ihes puntu bakarra edo eta bi ihes puntu erabiliz, hemen dituzue ikasleek sortutako barruko zein kanpoko espazioak.

ASIER MENDIZABAL, EUSKAL ARTISTA MCBA-N.

Asier Mendizabal artista ordiziarrak, bere azken hamar urte hauetan egindako lanak biltzen dituen erakusketa interesgarria izan du MCBAn.

Bere ibilbide artistiko sakonak, forma, dikurtsoa eta ideologiaren arteko erlazioak erakusten ditu.

Erakusketa hau bere lan onaren eta konstantziren islada da dudarik gabe.
Zorionak Asier.

ERRETRATOAREN PROEIKTUA 2.DBH-N.

2.D.B.H.ko ikasleak,lan ta lan daude dagoeneko, kurtsoko azken proiektu honetan lanean. Oraindik ez ditugu azken emaitzak, bainan oso gustora ari dira lanean.
Emaitza interesgarriak ari gara lortzen. Bestela begira itzazue aurrerapen modura aurkezten dizkizuedan argazki hauek.

ARROPA ZAHARRAK BIRZIKLATUZ

Madrilen egindako ekintza baten bideoa duzue hau. Bertan, Andrea Crewsek zuzenduta arropa zaharrez osatutako "mendi" batetatik sortutako diseinu berriekin egindako pasarela bat erakusten zaigu.

Birziklapenaz hitzegiten dugunean,botatzen dugun edozeri eabilera berria ematea dagoela ahazten zaigu.

Hona hemen sormenak ematen dizkigun aukera zabalen beste adibide interesgarri bat.

JORGE OTEIZA :euskal kulturaren erreferentea.

Euskal Herriak eman ditu gizon haundiak eta kulturari dagokionez, Jorge Oteiza (1908-2003)da hauetako bat dudarik gabe...

Esistentziaren, artearen edo gizakia ta gizatasunaren oinarrizko ideiak zalantzan jarri eta bizitzan transzendentala den horri buruzko hausnarketa sakona eginez bizitu zen pasioz betetako gizon interesgarria berau. Hementxe duzu bera eta bere teorietako batzutara hurbiltzeko bideotxo bat.



Bere obra ezagutu nahi baduzu, Altzuzako herrian dagoen museora bisita egitea ere interesgarria da oso.

ERRETRATO BAT PAINTEKIN NOLA EGIN.

Ordenagailua erabiliz erretrato bat marraztea ez da gauza erraza. Bainan pazientziarekin eta marrazten ikasteko gogoa eduki ezkero, honelako gauza politak egin daitezke.

KOMIKIAK EGITEKO PROGRAMAK

Komiki bat sortu nahi baduzu, programa hauek aukera ematen digute nahi ditugun argazki edo irudiekin komikiak egiteko.
Comiqs
Pixton

Gustokoa baduzu komikien mundua eta istorio bat kontatu nahi baduzu animatu zaitez eta sortu ezazu zure komiki propioa eta egindako lana besteok ikustea nahi baduzu, animatu zaitez gure blog honetan aurkezten.

ERRETRATOAREN PROEIKTUA 2.D.B.H-n.

2.D.B.H-ko ikasleak Erretratoaren proeiktua gauzatzen ari dira.
Haseran gizakion buruaren proportzioak ulertzeko egin genituen aurpegi eta eskuen marrazkiak dituzue ikusgai.
Orain proiektuaren bigarren fasean gaude. Bakoitzak bere buruaren erretrato bat lantzen ari da nahi duen modu eta teknikak erabiliaz.
Disfrutatu ezazue gure artista txiki hauen lanekin.

ANIMAZIO BAT EGIN NAHIKO ZENUKELA????

Apuntatu itzazu osagarriak:

-Bideo edo argazki kamara bat.
-Nahi duzun koloreko Plastilina zati bat.
-Istorio bat kontatzeko gogoa.

Hiru osagarri hauek konbinatu eta listo!!

MUNDUKO LORE HANDIENA: PLASTILINAZ EGINDAKO IPUINA

Jose Saramago idazle haundiak idatzitako "La flor más grande del mundo" ipuinean inspiraturik, Juan Pablo Etcheverryk eginiko animaziozko film laburra duzue ikusgai. Pertsonaiak plastilinaz eginak daude. Oso polita!!

WOMEN IN ART

Emakumeak izan gara artista askoren inspirazio iturri. Hemen duzue honen adibidea.

"BORN INTO BROTHELS" FILM DOKUMENTALA

Zana Briski eta Ross Kauffman zuzendariek eginiko "Born into Brothels" (los niños del barrio rojo) film dokumental honek dituen sariak ongi merezitakoak direla esan daiteke nere uste apalean.

Dokumental honen protagonistak, Calcutako prostituta batzuen adin txikiko seme alabak dira eta haur hauekin argazkilari batek aurrera eramandako proiektu interesgarria da filmaren gaia.

Haur hauen errealitate gordina erakusten digun pelikula hunkigarria da. Bainan benetan polita dena, istorio berak duen mezu positiboa da;finean, ezer ez duenak, ematen zaion hori nola baloratzen duen erakusten digulako.

ANIMAZIOAREN ERABILERA PUBLIZITATEAN

Ziur bere momentuan telebistan ikusi zenuela, eta hala bada gogoratuko duzula.....

Nola ahaztu honelako animazio bikaina,Kataluniako Kaba marka ezagun batek egindako kanpainetako bat, hain zuzen ere.

ERRETRATOA

Hemen duzue, Autoerretaoaren proeikturako baliagarria izango zaizuen adibide sorta.

| View | Upload your own

CREA-SORMEN PROIEKTUAK MARTXAN

Crea-Sormen metodologia erabiliz, bi proiektu ezberdin ditugu martxan ikastolako bigarren hezkuntzan momentu hauetan.

Alde batetik, .D.B.H.2-ko ikasleak "Autoerretratoa" gaia aitzakitzat hartuz, nor diren erakutsiko digute. Ideiak garatuak dituzte dagoeneko, orain lanean hastea bakarrik falta da, eta oso gauza interesgarriak ikusiko ditugu hemendik gutxira.

Bestalde, D.B.H.4-ko marrazketako ikasleak ere "Espazioa Eraldatzen" izenburupean, heuren taldekako proeiktu kreatiboak garatzen ari dira, horretarako beste zenbait artista eta arkitektoen lanak ikusi eta aztertuz.Kurtso amaierarako izanen ditugu heuren lanen aurkezpenak.

MIELTXO: PLASTILINA IRAKASLEA

Blog berri honi nola deitu pentsatzen ari nintzela, Mieltxo, plastilinako irakaslea etorri zitzaidan gogora...zergatik?agian zenbaitetan harekin identifikatua sentitzen naizelako izanen da!!

Hau da beraz, Patxi Huarte komikilariari eta nola ez Mieltxo plastilinako irakasleari eginen diedan omenaldi txikia: PLASTILINA, PAZ DE ZIGANDAKO PLASTIKA ETA IKUS HEZKUNTZETAKO BLOGA. Bejondeizuela lagunak!!